ALFABETIZAZIO DIGITALA

Lehenengo bideo honetan alfabetizazio digitalari buruz hitz egiten da, baina beti ere modu positibo batean. Hau da, orain urte batzuk ametsak zirenak, gaur egun teknologiaren laguntzaz, errealitate bihur daitezkeela azaltzen digu. Bideoan adibide batzuk agertzen dira, eguzki sistema ezagutzea, edo ilargitik ibiltzea...

Bigarren bideoan aldiz, Lara Tiscar-ek alfabetizazio digitalaren alde kritikoari buruz hitz egiten digu. Ikuspegi desberdin bat azaltzen zaigu. Irakurketa eta idazketa digitalaren garrantzia aipatzeaz gain, hauek modu egokian egin behar direla gogoratzen digu. Bideoan, aipatzen da, kontuan hartu behar ditugula informazio edo plataforma guzti hauen atzetik dauden pertsonak eta hauen interesak, informazio honek, datu asko eman ahal dizkigulako erabiltzen gaudenari buruz. Bestalde, irakaskuntza arloan aipatzen da, informazioa, askotan ezkutuan hartu eta erabiltzen dela eta gero bermoldatutakoa ez dela sarera bueltatzen. Beraz, alfabetizazio digitala erabiltzen eta ulertzen ikasteko garaia heldu zaigu. Horrela, guk sarean dagoen informazioa hobeto aukeratu, erabili eta bermoldatuta bueltatzeko gai izango gara. Bukatzeko esan, gizartean ematen diren aurrerapauso handienek, jakintza eta kontrol maila altua behar dutela betetzen duten funtzioa egokia izan dadin.

IRUZKINA (Haur Hezkuntzan bloga zertarako?)

Aurreko asteotan landutako gaiak aintzat hartuz, informazioaren gizartean bizi garenez, hezkuntzan ere, informazioaren trataerak garrantzi handia hartzen du. Hori dela eta, blogak, informazioa eta ezagutzak transmititzeko plataforma giza erabiltzea komenigarria dela deritzot.

Alde batetik, geletan blogak erabiltzea guraso eta eskolaren arteko harremana erraztu dezakeelako. Beti ere ikasturte hasieratik gurasoekin egiten den batzarrean blogaren erabilera zehazten den heinean. Hau horrela egiten bada, adibidez, gurasoei notak blogean idazteko aukera izango dugu. Horretaz gain, gurasoek, gelan egiten diren jarduerak ezagutzeko aukera izango dute. Bestalde, haurren kasuan, IKT-ekin lanean jardutea ezinbestekoa izateaz gain, onuragarria dela uste dut. Beraientzat beste gaitasun bat izango da eta gizarteratuta egoteko, menperatu beharrekoa.

Blogaren erabilerak aztertu ditudanean konturatu naiz lanerako tresna egokia izan daitekeela. Gelan, haurrek modu aktiboan blogean parte har dezakete, eta gelan egindako marrazkiak, bideoak, materiala eta beste gauza asko blogera igo ere. Honek, egun berean gurasoek haurrekin batera, lan horiek etxetik ikustea ahalbidetzen du.

Bukatzeko, gu irakasle izango garen aldetik, gizartearekin batera joateko ahalegina egin behar dugu. Gure informazioa eta ezagutzak modu egokienean gure ikasleei transmititu eta teknologia berriek suposatzen dizkiguten abantailak aprobetxatu.

Aproba testu birsartua

Saio teorikoan: Informazioaren Gizartea.
1 Prometeus: The Media Revolution bideo eta iruzkina egin eta gero klasean 5 minututan komentatzeko nik egiteko galderak:
2 PPT fitxategiarekin jarraituko dugu.
Etxerako lana
Ez ahaztu egunkarian apuntatzea gaur landu duguna, ikasi duguna eta zure hausnarketa, iritzia…

Saio Praktikoa:
1. blogak ikusi ditut. Orokorrean ondo daude, Batzuei gauza batzuk falta zaizkizue, joan egiten.
2. Web 2.0 apliakzioekin jarraituko dugu gaur,
• Feed (zer den ikusteko bideo hau ikusi)
Nola egiten da?: Sindikatu nahi duzun  webgunearen feed kodea kopiatu eta gero: Personalizar/ Diseño/Elementos de la página/ Add a Page Element/ Feed.
• Creative commons baimena sartzeko: helbide honetara joan http://creativecommons.org/license/?lang=eu eta adierazten diren pausuak jarraitzen, nahi duzun baimenaren kodea kopiatu. Gero zure blogean joan diseinu pestainara, beheko barran finkoan “añadir un gadget” klik egin eta HTML/javascript aukeratu eta bertan kodea itsatsi. Gorde.
• Eposta helbidea sartzeko: Blogean, diseinuan, añadir un gadget, HTML/javascript aukeratu eta bertan kode hau itsatsi, gorria dagoen zatian zure posta idatziz
E-posta
• Testu birsartua (testua oso luzea denean leio batean sar daiteke mugitzeko barrarekin: “nueva entrada” eta html edizio pestainan eta hau sartu:

hemen testua edo artikulua idatzi edo itsatsi.





Etxerako lana
Hausnarketa egiteko momentua da, bloga egin dugu, oinarrizko elementuak erabiltzen ikasi dugu, eta orain hezkuntzan aplikazioak ikusi eta horretaz pentsatuko dugu eta eztabaidatuko dugu.
Bloga irakaskuntzan? Eta Haur Hezkuntzan? Zer egiteko? Zein helbururekin?
Idazki bat egin behar da blogean gai honetaz.
Ondoren datozen helbide hauetan blog batzuk ikus ditzakezu, erabilera desberdinak agertzen dira, begiratu lagungarriak izango dira idazkia egiteko.
http://berbatik.blogspot.com/
http://goazen.wikispaces.com/HAUR+HEZKUNTZA
http://infantilmh.blogspot.com/
http://www.aulablog.com/component/option,com_jreviews/Itemid,217/
.

IRUZKINA Prometeus "the media revolution"

Prometeus "the media revolution" bideoa ikusi eta gero denbora azkarregi pasatzen denaren sentzazioa izan dut. Bestalde, bideoaren gaiak, etorkizun hurbilean interneten erabilerak betiko hedabideak, telebista edo irratia, ordezkatuko dituela azaltzen digu. Etorkizuna digitala izango dela. Guzti hau ikusi eta gero, etorkizun honek pertsonen arteko harremanak era bortitz batean aldatuko dituela pentsarazi dit. Ni, pertsona gizartekoia naiz eta egun santu guztia ordenagailu baten aurrean egoteak, genio txarrean jartzen nau. Ez dakit datozen garai hauetara ondo moldatuko naizen. Bere alde onak ere baditu aro honek, paperaren kontsumoa neurri handi baten murriztuko dela adibidez.

Jada, gaur egun aldaketa hoien lekuko gara. Hala ere, nahiz eta informazioaren gizartean murgildurik egon, badira pertsona asko ordenagailu edo beste teknologia berriekin harremanik ez dutenak. Hau horrela bada ere, ezinbestekoa dugu aldaketa hauetara ahalik eta arinen egokitzea. Izan ere, gure lanerako IKT -ak erabiltzea premiazko gauza izango da. Haurrek, inork baino hobeto, aldaketetara moldatzeko gaitasuna dutela kontuan hartzen badugu, guri, bizkor eta argi ibiltzea tokatzen zaigu. Horrela, gure ikasle izango direnei, egungo hezkuntza jasotzeko aukera emango diegu. Beraz, eskolak beste edozein erakundek bezala, ahalik eta arinen aldaketetara egokitzeko ahalegina egin beharko du.

Iruzkin honekin bukatzeko esan, gizarte honetan bizi garenez berau aurrera doan heinean gu ere bere eskutik joan behar dugula, beti ere nortzuk garen ahaztu gabe.

Informazioaren gizarteari buruzko iruzkina

Informazioaren gizartea 1970. urtean sortutako kontzeptuak, gaur egun gure gizartea definitzen duela esan genezake. Urteetan, gizartean aurrera pausuak eman izan direla argi dago baina gaur egungo aldaketa hoiek abiadura ikaragarrira doaz. Gizarte honetan bizi ahal izateko, informazioa bilatzeko, aukeratzeko eta adierazteko gai izan behar gara. Prozesu hau behar bezala aurrera eramaterakoan zailtasunak izaten ditugu informazio ugarirekin topo egiten dugulako egunero.

Datozen belaunaldietako haur edo gazteek errazago izango dutela uste dut. Hauek, horrenbeste informazio eskura izatea normaltzat joko dute. Gure gizartea aldatzen den heinean, hezkuntza ere aldatuko da noski. Irakasteko momentuan, informazioaren tratamenduak garrantzi handia izango du. Ikasleek ez dute informazio guztia izan behar, baina teknologia berriak hauen esku daudenez, zaila izango da mugak jartzea. Nire uste apalean aro honetara ohitu arte, guztion lana bikoitza izango da.

BIDEOA informaziaren gizartea

IRUZKINA (Tim O`Reilly)

IRUZKINA
Tim O'Reilly, 1954an Cork-en ( Irlanda) jaio zen. O'Reilly Mediako (editoriala) lehendaria da. Softwarearen bultzatzaileetariko bat da eta Web 2.0 kontzeptuaren egileetariko bat ere. Perl hizkeraren garapenean parte hartu zuen. O'Reilly hasiera batean literaturarekiko interesa zuen, 1975ean Harvarreko unibertsitatetik literatura klasikoan lizentziatua izan zen cum laude batekin. Laster, informatika eta honi buruzko liburuenganako interesa adierazten hasi zen. Liburu batzuen egile izan da, guztiak bere editorialak argitaratutakoak.

Harvarden graduatu ondoren, bere karrera mundu editorialean garatzen hasi zen. 1992an The Whole Internet User's Guide & Catalog, argitaratu zuen, Interneten lehen liburu zabaltzailea. 1993an Interneteko lehen portala sortu zuen: Global Network Navigator beranduago AOL bilakatu zena.

2000.urtean, Safari Books Online, eratu zuen, Interneten bidez liburuak saltzeko plataforma. 2004.urtean mintzaldi baten partaide izan zen, zeinetan Web 2.0.kontzeptua aurkeztu zen.

'Web 2.0' kontzeptua, O'Reilly eta MediaLive Internationalek,” ideien zurrunbilo” sesio baten ostean sortu zen. Urte eta erdi geroago, 'Web 2.0' terminoa, errotu egin dela esan dezakegu, Google-en 9,5 milioi aipamen baino gehiago dituelarik. Baina gaur egun, Web 2.0 kontzeptuari buruzko desadostasuna ai`patu behar da. Batzuen kritiket diote soilik modan dagoen hitz bat dela, marketinaren fruitu, moda, beste batzuek aldiz, paradigma berri bat bezala onartzen dute.

Web 2.0 , Tim O'Reillyk sortutako kontzeptua da eta erabiltzaileek modu erraz eta arin batean informazioa elkartrukatzea du helburu. Mota honetako “web” orriek : wikiak, blogak eta giza-sareak ditu oinarri. Adibide argienetariko bat, mundu osoan ezagutzen dugun wikipedia.